Í dag steig Steve Jobs á svið á sérstakri kynningu sem haldin var í dag, “Let’s Rock”. Meðal annars voru þar kynntar tvær nýjar gerðir af iPod spilurum.

Nýr iPod Nano var kynntur og verður hann nokkuð svipaður ef ekki eins þeim sem myndir hafa verið að leka á netið af. Spilarinn er aftur kominn með sitt gamla snið, langur og mjór, en nú er hann kúptur og sá þynnsti sem Apple hefur gert. Einnig er spilarinn nú með accelerometer líkt og iPhone/Touch og nýtist hann t.d. til þess að horfa á bíómyndir á breiðtjaldsformi eða einfaldlega hrista spilarann til að stokka. Genius eiginleikinn sem var kynntur í iTunes 8.0 verður einnig hægt að nota í nýja Nano-inum og búa til Genius playlista.

Spilarann verður hægt að fá í öllum regnbogans litum og líf batterísins verður svipað þeim gamla eða 24 klst. fyrir tónlist en 4 klst. fyrir myndskeið. Hann verður seldur í tveimur útgáfum 8GB á $149 og 16GB á $199.

iPod Touch gekk einnig undir útlitsbreytingar í dag eins og iPod Nano. Spilarinn er nú með kúptu stálbaki en er þynnri en sá gamli. Takki til að hækka og lækka er nú á spilaranum auk hátalara, eitthvað sem margir hafa beðið eftir. Notandaviðmótið hefur einnig verið bætt og er nú AppStore, Nike+ og Genius í spilaranum.

Batteríið mun endast í 36klst. fyrir tónlist en 6klst. fyrir myndskeið. Verður hann seldur í þremur útgáfum 8GB á $229, 16GB á $299 og 32GB á $399.

Apple gleymdi ekki iPod classic en hann gekk þó ekki undir eins miklar breytingar og hinir tveir. Hann verður til með óbreyttu útliti í 120GB útgáfu á $249.

iPod Shuffle helst algjörlega óbreyttur í verði og öðru en nú er hann fáanlegur í nýjum litum, þessu var þó ekki sagt frá á kynningunni.

Með nýju spilurunum býður fylgja ný heyrnartól, en á þeim er hægt að hækka/lækka, skipta um lag og einnig eru þau með míkrófón. Einnig voru svo kynnt heyrnartól með tvíter og woofer sem fara inní eyrun á $79 en þau munu koma út í október.

Skrifað í flokkinn: iPod, Uppákomur
6 athugasemdir / Skrifa athugasemd